ЕК предлага решение за деблокирање на извозот на украински житарки

Од:

Европска Комисија денеска го претстави акцискиот план со кој се предвидува воспоставување на „солидарни патеки“ за да се овозможи копнен извоз на жито и други земјоделски производи од Украина, чии пристаништа се блокирани по руската инвазија.

dobivaj vesti na viber

Во нормални околности, 75 отсто од производството на жито во Украина оди за извоз, што претставува една петтина од вкупната извозна заработка на Украина. Пред руската инвазија, 90 проценти од извозот на жито и маслодајни семиња се одвиваше преку украинските пристаништа на Црното Море.

– За помалку од три месеци, 20 милиони тони жито ќе треба да ја напуштат Украина, користејќи ја инфраструктурата на ЕУ. Тоа е огромен предизвик и затоа е неопходно да се координираат и оптимизираат логистичките синџири, да се воспостават нови рути и да се избегнат, колку што е можно, тесните грла, се наведува во соопштението од ЕК.

Поради руската инвазија врз Украина и блокадата на нејзините пристаништа, не може да се извезуваат житарки и други земјоделски производи, што претставува глобална закана за снабдувањето со храна.

ЕК апелира до националните власти да бидат што е можно пофлексибилни и да обезбедат соодветен персонал за да ги забрзаат процедурите за преминување на границата.

Исто така ЕК најави дека ќе го процени расположливиот капацитет за складирање во ЕУ и, во координација со земјите-членки, ќе обезбеди поголем привремен капацитет за складирање на украинскиот извоз.

Извор: МИА

Би можело да ве интересира

Европската комисија го прекинува договорот со Валнева за вакцината против Ковид-19

ЕК се подготвува за следната фаза на Ковид-19, треба да се зголеми вакцинацијата

А1он

Европската комисија сака да привлече мигранти поради недостигот на работна сила во ЕУ

Европската комисија засега не планира укинување на Ковид сертификатите

Европска комисија: Плаќањето за гас во рубљи ги прекршува санкциите на ЕУ

А1он

Урсула фон дер Лајен во Софија ќе ја потврди поддршката на Европската комисија за бугарскиот план за обнова и развој