ЕК: Не шпекулираме за причините за истекувањата на гас од Северен поток

Од:

Од Европската комисија не сакаат да ги коментираат можните причини за истекувањата на гас од Северен поток еден и два, уверувајќи дека снабдувањето е безбедно за Европа, јави дописничката на МИА од Брисел.

dobivaj vesti na viber

На денешниот редовен брифинг за новинари портпаролите на ЕК порачаа дека се информирани за инцидентот со трите истекувања на гас од Северен поток еден и два во близина на Данска и се во постојан контакт со засегнатите земји членки.

– Во моментов нема последици врз сигурноста на снабдување, затоа што испораките од Северен поток еден се на нула, а Северен поток два нема дозвола за сега, изјави портпаролот за енергетика, Тим Мекфи.

ЕК исто така ги следи последиците врз загадувањето на воздухот и климатските промени бидејќи истекот на метан може негативно да влијае врз нив.

Во меѓувреме Данска прогласи забрана за навигација околу местото на инцидентот.

Но, од ЕК не се шпекулира за можните причини, од кои една може да биде саботажа од руска страна, нешто што не го исклучи данската Влада.

– Не шпекулираме дали е саботажа или не, немаме елементи да одредиме која е причината за истекувањето, но се разбира дека доколку е сааботажа, секој акт на саботажа врз инфраструктура ќе биде осуден, изјави главниот портпарол на ЕК, Ерик Мамер.

Извор: МИА

Би можело да ве интересира

ЕК: Ковид-19 да се смета за професионална болест во релевантните сектори

А1он

Инцидентите на гасоводите „Северен тек“ била саботажа

Горан Наумовски

Стано: ЕУ работи на надминување на спорот со Белград и Приштина, но не даде детали за средбите

А1он

ЕК: Србија се усогласи делумно со визната политика на ЕУ

А1он

Брисел предлага пакет помош за Украина од 18 милијарди евра

Според резултати од истрагата, уништени се 250 метри од гасоводот Северен тек 1