Ејбрамс: Бајден тешко ќе ги врати САД во нуклеарниот договор за Иран

Од:

Американскиот пратеник за Иран, Елиот Ејбрамс, изјави дека администрацијата на Трамп ќе продолжи да врши притисок врз оваа земја и предвиде дека на новоизбраниот претседател Џо Бајден ќе му биде тешко да ги врати САД во нуклеарната програма од која се повлекоа во 2018 година.

-Навистина не е важно кој на 20 јануари ќе биде претседател на САД, во смисла на тоа дека со Иран секако ќе има разговори. Не знам дали САД ќе се вратат во нуклеарниот договор, рече Ејбрамс, цитиран од британските медиуми.

Џо Бајден изјави дека се надева САД да се вратат на нуклеарниот договор, во кој Иран се согласи да ги намали своите нуклеарни активности и за возврат да добие укинување на меѓународните санкции.

Претседателот Доналд Трамп ги повлече САД од нуклеарниот договор во 2018 година и воведе економски санкции за Иран.

Ејбрамс додаде дека сите санкции на САД кон Иран, вклучително и оние поврзани со почитувањето на човековите права, како и за поддршката на оваа азиска земја за одредени милитантни групи, ќе бидат во сила и по 20 јануари.

-Преку санкциите имаме максимален притисок. Тие ќе продолжат и во декември, бидејќи на никаков начин не се поврзани со изборите во САД, заклучи тој.

Би можело да ве интересира

Бајден ги именува најважните дипломати во Стејт департментот, Нуланд се враќа како потсекретар

Пенс ѝ честиташе на Камала Харис во првиот контакт меѓу двете администрации

Жарко Настоски

Трамп ќе оди за Флорида на денот на инаугурацијата на Бајден

Жарко Настоски

Пентагон: Бројот на американски војници во Авганистан и во Ирак е намален на 2.500

Жарко Настоски

Бајден доби официјален претседателски профил на Твитер

Жарко Настоски

По САД и Русија се повлекува од Договорот за отворено небо

Ана Ололовска