Египет, Јордан и Мароко ќе учествуваат на конференција на САД за палестинците, Либан откажа

Од:

Египет, Јордан и Мароко ја информираа владата на претседателот Доналд Трамп дека ќе присуствуваат на конференцијата организирана од САД во Бахреин овој месец, објавија американски официјални претставници.

На неа ќе се расправа за предлозите за развој на палестинската економија како дел од планот на Вашингтон за мир на Блискиот Исток.

Учеството на Египет и Јордан се смета за особено важно, бидејќи историски тие се еден од главните играчи во мировните напори меѓу Израелците и Палестинците и се единствените арапски држави кои имаат мировни договори со Израел

Меѓутоа, палестинското раководство објави дека ќе ја бојкотира конференцијата, која ќе се одржи на 25 и 26 јуни во Манама, што предизвика сомнежи за успехот на форумот.

Претходно Саудиска Арабија, Катар и Обединетите Арапски Емирати го потврдија своето учество.

Либанскиот министер за надворешни работи, Гебран Васил, рече дека неговата земја нема да присуствува на конференцијата. Тој посочи дека Либан ја донел таа одлука бидејќи сака прво да добие јасна идеја за планот на САД, но најмногу поради тоа што палестинските претставници нема да учествуваат.

Би можело да ве интересира

Американците најбогата нација во светот, ги надминаа Швајцарците

Ана Ололовска

Уапсени 53 мигранти на границата на САД со Мексико

Ана Ололовска

Рохани ги повика западните земји да го напуштат Персискиот залив

Палестина: Одлуката за прекин на снабдувањето на електрична енергија е „колективна казна“

Помпео: Распоредувањето дополнителни сили во заливскиот регион е заради одвраќање

Израел го намалува снабдувањето со електрична енергија на Палестинците поради долг