Едно лице е убиено, а шест се ранети во пукање пред бар во центарот на градот Тампа во американската сојузна држава Флорида, соопшти денеска полицијата.
Според извештаите, инцидентот се случил околу три часот наутро по локално време, кога две групи луѓе започнале тепачка во кафеана, а потоа конфликтот го продолжиле надвор, каде имало и пукање, пренесе АП.
Се додава дека во престрелката е убиен еден маж, а шест лица се префрлени во болници со повреди кои не се опасни по живот.
„Ова е бесмислено насилство. Нема причина некој да го загуби животот поради тепачка во бар“, рече началникот на полицијата во Тампа, Мери О’Конор, додавајќи дека напорно работат на следење на трагите и откривање на одговорните.