Една третина од Европејците чувствуваат зголемена анксиозност за време на пандемија

Од:

Пандемијата на Ковид -19 негативно влијае на менталното здравје на граѓаните низ Европа. Секој трет Европеец страда од зголемена анксиозност, покажува меѓународната студија на германската фармацевтска група Штада.

Причините кои 23 отсто од Европејците ги наведоа за анксиозност се загриженоста поради влијанието на пандемијата врз нивните финансии и бизнис, додека 42 процента од Европејците се плашат од заразување со вирусот.

Повеќе од половина Европејци (52 отсто) веруваат дека фактот што не можат да го видат своето семејство и пријателите е најстресниот од сите предизвици со кои се соочиле од почетокот на пандемијата.

За да се ослободат од стресот, 11 проценти од Европејците пробале онлајн курсеви по јога или медитација.

Други ефекти на пандемијата на коронавирусот се проблемите со спиењето кои ги имале 15 отсто од испитаниците.

Осаменоста, која е потенцијален предизвикувач и истовремено последица на проблеми со менталното здравје, погодува приближно еден од четворица Европејци. Во споредба со луѓето на возраст од 50 до 99 години (24 проценти), помладите Европејци (33 проценти) се чувствуваат поосамено.

Би можело да ве интересира

Од почетокот на пандемијата со коронавирус се заразиле повеќе од 240 милиони луѓе

Истражување: Ковид може да предизвика проблеми со плодноста

Како лажната наука создаде „чудотворен лек“ против Kовид-19

Поради делта варијантата ќе треба да биде вакцинирано 90 проценти од населението

Катерина Павлова-Николовска

Најголемиот дел од заболените од карцином добро реагираат на вакцините против коронавирус

Катерина Павлова-Николовска

СЗО регистрира пад на новите случаи на Ковид-19 во светот