Џонсон со порака до Москва: Нема да се двоумиме со остри санкции и распоредување сили на НАТО во Украина

Од:

Велика Британија нема да се двоуми да ги заостри санкциите кон Москва, а доколку Русија ја нападне Украина, ќе се обиде и да придонесе за распоредувањето на силите на НАТО, изјави ден еска британскиот премиер Борис Џонсон.

dobivaj vesti na viber

Британските медиуми пренесуваат дека Џоносн денеска ги повика европските сојузници да бидат подготвени да воведат пакет остри санкции кон Русија доколку оваа земја ја нападне Украина и додаде дека само единството на Западот ќе помогне да се одврати руската агресија.

-Апсолутно е важно западните земји сега да бидат обединети, бидејќи нашето единство ќе биде многу поефикасно за одвраќање на каква било руска агресија, изјави премиерот Џонсон пред пратениците во британскиот Парламент.

Сојузниците од НАТО вчера соопштија дека ги кренале своите армии ги ставиле во состојба на подготвеност, и дека ќе испратат дополнителни бродови и борбени авиони во нивните бази во Источна Европа, зајакнувајќи ги силите и одбраната, што Русија го оцени како западна „хистерија“.

-Ние во Обединетото Кралство нема да се двоумиме да ги заостриме нашите национални санкции кон Русија како одговор на сè што може да направи претседателот Владимир Путин, рече Џонсон.

Тој додаде дека Велика Британија ќе се обиде да придонесе за секое ново распоредување на силите на НАТО со цел да ги заштити своите сојузници во Европа во случај Русија да ја нападне Украина.

Тој исто така рече дека ако целта на Путин е да ги држи силите на НАТО подалеку од руските граници, тогаш „инвазијата на Украина би била контрапродуктивна“.

Извор: МИА

Би можело да ве интересира

Борел: Во ЕУ се уште нема договор за шестиот пакет санкции за Русија

А1он

Руско МНР: Влезот на Шведска во НАТО и нанесува штета на европската безбедност

А1он

Над 8000 мигранти пристигнале преку Ла Манш во Велика Британија годинава

А1он

Вашингтон пост ја укина претплатата за читателите во Русија и Украина

А1он

Столтенберг: На Русите не им оди според планот, ќе изгубат во Украина

А1он

Русија го прекина извозот на струја за Финска

А1он