Џонсон: Односите меѓу Британија и Франција се стабилни и силни

Од:

Британскиот премиер Борис Џонсон денеска изјави дека односите меѓу Лондон и Париз се стабилни и силни, нагласувајќи дека новиот одбранбен сојуз на Велика Британија со Австралија и САД не е насочен против ниту една друга земја.

Франција гневно реагираше на вчерашната вест за ново стратешко партнерство меѓу трите земји, наречено АУКУС, што ќе и овозможи на Австралија да купи американски подморници со нуклеарен погон и да го раскине договорот за подморници со Париз вреден 40 милијарди долари.

– Тоа навистина е нож во грбот, коментираше францускиот министер за надворешни работи, Жан-Ив Ле Дриан во врска со тој договор за радио Франс инфо.

Во денешното обраќање пред Парламентот, Џонсон нагласи дека односите меѓу Британија и Франција, особено во воената сфера, се стабилни и силни.

– Нашите односи со Франција, нашите воени односи се силни. Ние стоиме рамо до рамо со Французите, дали во Сахел, каде што спроведуваме заедничка операција против терористите во Мали, или во Естонија, каде што моментно ја имаме најголемата операција на НАТО, истакна британскиот премиер.

Договорот АУКУС, исто така, предизвика незадоволство во Кина, која порача дека тој сериозно ќе наштети на мирот и стабилноста во регионот, а Џонсон во своето обраќање пред Парламентот истакна дека е важно да се разбере дека АУКУС не претендира да се спротивстави на која било друга сила, туку само ги одразува блиските односи на Велика Британија со САД и Австралија.

Би можело да ве интересира

Француски министер прогнозира раст на цените и во текот на 2022 година

Ана Ололовска

Француски министер најави можност ЕУ да воведе санкции против Полска

Ана Ололовска

Невреме во Франција остави 250.000 домаќинства без струја

Ана Ололовска

„Тајмс“: Лондон преговара со Киев за испорака на ракети

Ана Ололовска

Британскиот министер за здравство не исклучува бројот на заразени со Ковид-19 да биде 100.000 дневно

Ана Ололовска

Злосторство во Франција, тело на маж без глава пронајдено во градот Болен

А1он