Британскиот премиер Борис Џонсон изјави денеска дека ќе биде постигнат договор за Брегзит и земјата ќе ја напушти ЕУ на 31 октомври.
– Ќе постигнеме договор и ќе работиме многу напорно за да успееме во тоа. Бев вчера во Ирска, каде со нашите пријатели разговарав како тоа да го направиме. Планираме да одиме во Брисел и да разговараме и со некои други престолнини, истакна Џонсон.
Според него, постои начин да се постигне договор, но и дека Британија мора да биде подготвена за излез од ЕУ без договор.
– Ќе излеземе и без договор, нагласи британскиот премиер.