Џонсон и Мишел се договорија да соработуваат за кризата во Украина

Од:

Британскиот премиер Борис Џонсон во телефонскиот разговор со претседателот на Европскиот совет Шарл Мишел се согласи да продолжат со блиска соработка и единствен одговор меѓу Лондон и Брисел за руската инвазија врз Украина, соопшти денеска кабинетот на британскиот лидер.

Џонсон, исто така, го покрена прашањето за протоколот за Северна Ирска, кој ја регулира трговијата меѓу Северна Ирска и остатокот од Британија по Брегзит, додавајќи дека треба да се најдат решенија за заштита на мирот и стабилноста, соопшти неговиот кабинет.

Во соопштението објавено од Даунинг стрит 10 се вели дека е важно да се задржи притисокот на санкциите врз Москва во пресрет на овонеделните состаноци на НАТО и Г7. Двајцата политичари разговараа и за натамошната финансиска поддршка за украинската Влада.

Џонсон истакна дека е неопходно да и се обезбеди дополнителна воена поддршка на Украина.

Извор: МИА

Би можело да ве интересира

Русија изврши уште еден голем напад на енергетската инфраструктура низ Украина

Зеленски побара помош од САД против рускиот „воздушен терор“

Кулеба го повика Западот да испрати системи за воздушна одбрана „Патриот“ во Украина

Горан Наумовски

Зеленски го разреши секретарот на Советот за национална безбедност

Политико: На Украина очајно и требаат војници

(ВИДЕО) Силни експлозии во Киев

Горан Наумовски