Џоана: Самитот на НАТО во Мадрид ќе биде историски и ќе донесе добри вести за Романија, но и за Украина

Од:

Заменик-генералниот секретар на НАТО, Мирчеа Џоана денеска изјави дека самитот на НАТО следната недела во Мадрид ќе биде историски и ќе донесе добри вести за Романија, но и за Украина, трансатлантските односи и самата алијанса.

„Ова ќе биде историски самит што ќе донесе длабоки промени. Ќе се фокусираме на зајакнување на присуството на НАТО на источното крило, а лидерите ќе ја објават големината и конкретниот придонес на различните сојузници. Очекуваме добри вести и за Романија. Тоа ќе биде самит на кој ќе го усвоиме стратешкиот концепт“, рече Џоана при посетата на градот Клуж.

Според него, црноморскиот регион ќе биде силно претставен на состанокот, кој ќе се одржи од 28. до 30 јуни, бидејќи има „витално стратешко значење за НАТО“.

„Истовремено, го очекуваме учеството на претседателот (Владимир) Зеленски – поддршката што ја има за Украина во праведната војна против рускиот агресор мора да продолжи. Ја поздравуваме извонредната вест од Брисел вчера, која ги дава Молдавија и Украина перспектива и ‘статус на кандидати за европска интеграција; тоа е нешто што исто така го поздравуваме’“, рече тој одговарајќи на новинарски прашања.

Тој додаде дека паралелно со добрите вести за земјите од НАТО, ќе има „многу лоши вести за Русија“.

„И можеби надвор од нашата географија, за првпат во историјата на самитите на НАТО, лидерите на Јапонија, Австралија, Нов Зеланд и Јужна Кореја ќе бидат со нас на самитот. Значи, ова е исклучително важен состанок. Добри вести за Романија, добри вести за НАТО, добри вести за трансатлантските односи, добри вести за Украина и, се надеваме, многу лоши вести за Руската Федерација“, рече Џоана.

Извор: МИА

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана

Романскиот претседател Клаус Јоханис ја објави својата кандидатура за шеф на НАТО