Џо Бајден: Доколку Трамп биде реизбран, НАТО ќе престане да постои

Од:

Кандидатот за американски претседател од Демократската партија и поранешен потпретседател, Џо Бајден, смета дека доколку Доналд Трамп биде реизбран на изборите следната година, НАТО ќе престане да постои.

-Доколку тој (Трамп) повторно биде избран, ви ветувам дека нема да има НАТО… Ќе имаме вистински проблеми, рече Бајден за време на дебатата меѓу демократските кандидати за иден американски претседател, јавија агенциите.

Поранешниот потпретседател уште забелжа дека Трамп ја критикува Алијансата и истовремено позитивно зборува за својот руски колега Владимир Путин. Во оваа врска тој ги брани своите претходни одлуки за влегувањето на американските сили во Сирија, Авганистан и Ирак за борбата со ИД.

Демократите во Конгресот почнаа процес на отповикување на Трамп, осомничувајќи дека за лични политички цели извршил притисок врз украинското раководство да отвори истрага за Хантер Бајден, кој работел за енергетската компанија „Бурисма“. Неговиот татко, Џо Бајден е кандидат на Демократичката партија за претседателските избори во 2020 година.

Би можело да ве интересира

Трамп лут поради шпекулациите за неговото здравје

Додик: Усвоениот документ не прејудицира членство на БиХ во НАТО

Ердоган: Доколку продолжи ставот на САД за Ф-35, Турција ќе бара други решенија

Реакции и осуди поради промената на ставот на САД за израелските населби во Западниот Брег

Столтенберг во Париз ќе разговара со Макрон за „мозочната смрт на НАТО“

Поранешниот американски маринец Пол Велан останува во притвор, одлучи судот во Москва

Ана Ололовска