Две лица загинаа денеска, а две се повредени во ракетен напад врз руската област Белгород, што го извршија вооружените сили на Украина, соопшти регионалниот гувернер Вјачеслав Гладков.
Тој на својот канал Телеграм изјави дека населбите во Шебекинската област од утрото се изложени на гранатирање.
Според него, една постара жена е убиена во градот Нова Таволжанка, додека друг цивил е убиен во Безљудовка, пренесува Известија.
Од крајот на мај зачестено е гранатирањето на пограничната област Белгород од територијата на Украина.