Двајца рудари загинаа при одрон во рудник за јаглен во американската сојузна држава Западна Вирџинија, соопшти денеска Федералната администрација за рударска безбедност и здравје.
Инцидентот се случил вчера околу 20 часот по локално време (денеска два часот под средноевропско време). Телата на загинатите рудари се извадени на површината од Земјата.
Рудникот „Броди 1“ во округот Бун е сопственост на компанија од Сент Луис, Мисури. Во октомври минатата година Агенцијата за безбедност го прогласи рудникот за редовен прекршител на федералните правила за здравје и безбедност при работа во 2013 година.