Американското Министерство за правда обвини двајца руски шпиони за кражба на кориснички налози на Јаху, објави денеска весникот „Вашингтон пост“.
„Јаху“ претходно соопшти дека со упадот на нивниот сервис во 2014 година биле загрозени околу 500 милиони налози.
Шпионите украле имиња, електронски пошти, телефонски броеви, датуми на раѓање и лозинки на налозите, но не и податоци поврзани со банкарските сметки на корисниците, потврди „Јаху“.
Се претпоставува дека околу осум милиони британски налози биле хакирани, наведува Би-Би-Си.