Драматична ескалација на војната во Украина

Од:

Канцеларијата на Високиот комесаријат за човекови права (ОХЦР) го претстави својот последен извештај за ситуацијата во Украина пред Советот за човекови права на ОН. Во него се наведува дека слободата на изразување, собирање и други граѓански и политички права се ограничени во делови на Украина окупирани од Русија, вклучувајќи го и Крим.

Од нивниот последен извештај во јули, набљудувачите на ОН објавија драматична ескалација на војната во Украина, јавува Гласот на Америка.

Новиот извештај содржи документација за масовно уништување на цивилна инфраструктура и убиени цивили во руските напади врз населени области, но Русија негира напади врз цивили, јави Гласот на Америка.

Набљудувачите на ОН велат дека доаѓаат нови извештаи за тортура и малтретирање на граѓани, исчезнување на цивили и воени затвореници, истакнувајќи дека некои прекршувања на човековите права може да се третираат како воени злосторства, додава Гласот на Америка.

На извештајот веднаш реагираше Москва, која вели дека е едностран, неурамнотежен и го одразува само западниот пристап во известувањето за украинската криза.

Дипломатската претставничка на Руската Федерација, Гузал Кусанова, за време на нејзината презентација на 51. седница на Советот за човекови права на ОН во Женева, изрази жалење што ОХЦХР нема храброст искрено да зборува за злосторствата извршени од режимот во Киев.

„Жалиме што ОХЦР нема храброст да заземе принципиелен пристап и искрено да ги открие сите воени злосторства, злосторства против човештвото и кршење на човековите права за кои е одговорен режимот во Киев“, рече Кусанова.

Таа го привлече вниманието на фактот дека „нема ни писмо“ за инцидентот во Јеленовка или дека украинската армија е одговорна за гранатирањето на овој oбјект за притвор во кој се чуваат украински воени заробеници.

Би можело да ве интересира

ВИДЕО: Нов руски напад на Харков, убиено 13-годишно момче

Путин: Обвинувањата дека Русија ќе ја нападне Европа по Украина се целосна глупост

Кулеба го повика Западот да испрати системи за воздушна одбрана „Патриот“ во Украина

Горан Наумовски

Зеленски го разреши секретарот на Советот за национална безбедност

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни