Германското Министерство за здравство истражува можна измама со вакцинацијата пртоив Ковид-19, а во која потенцијално здравствено загрозени би биле 430 лица од округот на Боденското Езеро.
Надлежниот оддел за здравство ги контактирал сите кои биле на вакацинација во пријавената ординација и сите ќе мора да направат тест за антитела за да биде утврдено дали примиле вакцина против ковид.
Постои сомнеж дека докторката од ординацијата ги вакцинирала луѓето со неефикасна течност. Истрагата е во тек, а засега не е изречена забрана за работа на ординацијата.
Истрагата е почната откако три комплетно вакцинирани лица во оваа ординација немале антитела за Ковид-19. Ако се потврдат сомнежите, раководителите и вработените во ординацијата ќе одговараат за опасно загрозување на здравјето на пациентите.
Жена која се вакцинирала во орднацијата пријавла дека кога и се пожалила на докторката дека се плаши од нус-појавите од вакцината, лекарката наводно и рекла дека не треба да се грижи бидејќи во вакцината измешала нешто хомеопатско.
Полицијата извршила претрес во ординацијата и се чекаат официјалните резултати од собраните докази.