Додон по приведувањето: Станува збор за политички исцениран случај

Од:

Поранешниот претседател на Молдавија и лидер на проруската опозициска Социјалистичка партија, Игор Додон, денеска изјави дека бил приведен под сомнение за корупција, чин за кој западните медиуми сметаат дека ќе ја налути Москва.

dobivaj vesti na viber

Додон рече дека е невин, обвинувајќи ја прозападната претседателка Маја Санда дека на тој начин сака да го одвлече вниманието на јавноста од лошата економска ситуација во земјата.

Државната телевизија „Молдавија 1“ и руската новинска агенција РИА веќе ја објавија информацијата за притворањето на Додон, повикувајќи се на изјава на обвинителката Елена Казакова.

Молдавските истражни власти извршиле претрес во домот на Додон. Според информацијата од Обвинителството на која се повикуваат медиумите, претресот е спроведен поради во рамки на истрага што го поврзува Додон со корупитивни активности и предавство.

„Почитувани граѓани, сакам да ве уверам дека за секој детал што го интересира Обвинителството имам соодветно образложение што отстранува секое сомнение за корупција или кршење на законите. Ова е измислен, политички мотивиран случај“, рече Додон.

Притворањето на Додон се случува во време на затегнати односи на релација Москва – Кишињев.

Кремљ претходно соопшти дека е загрижен заради приведувањето на Додон, а портпаролот на Кремљ, Дмитриј Песков, ги повика молдавските власти да ги почитуваат правата на приведениот.

Додон потврди дека бил „приведен и сослушан“, обвинувајќи ја Санда која пред две години стапи на претседателската функција дека е „целосно неспособна да се справи со економската и социјалната состојба во земјата“.

Извор: МИА

Би можело да ве интересира

Молдавија ја продолжи вонредната состојба поради воени ризици

Горан Наумовски

Додон: Нема да станеме дел од ЕУ барем за деценија или две, можеби и никогаш

Ана Ололовска

Санду: Историски ден за Молдавија

А1он

ЕУ им додели кандидатски статус на Украина и Молдавија

А1он

Хан: Очекувам кандидатски статус за Украина и Молдавија на следниот самит на ЕУ

А1он

Ако во ЕУ влезат Украина, Албанија и Косово, ние треба да си заминеме