Дјук: На бегалците од Венецуела им е одобрен привремен престој во Колумбија

Од:

Колумбискиот претседател Иван Дјук потврди дека неговата земја на сите бегалци од Венцуела ќе им обезбеди престој и работа преку доделувањето привремен правен статус.

Во заедничката изјава со Високиот комесаријат на Обединетите нации за бегалци, Филип Гранди, колумбискиот претседател кажа дека овој статус ќе им овозможи на мигрантите легално да работат во Колумбија, пренесуваат британските медиуми.

-Мораме да преземеме мерки, овој процес претставува пресвртница во миграциската политика на Колумбија, рече Дјук.

Колумбискиот претседател појасни дека привремениот статус ќе важи 10 години и ќе ги ослободи лицата кои веќе го легализирале својот престој повторно да аплицираат за дозволи, а оние кои нема да се пријават според новиот привремен статус ќе бидат депортирани.

Високиот официјален претставник на ОН, пак, оваа најава од Дјук ја нарече историска и рече дека тоа е најважниот хуманитарен гест во регионот со децении наназад.

Колумбија веќе подолго време е главната дестинација за луѓето кои бегаат од лошата економска и социјална состојба во соседна Венецуела, а приближно 966.000 од вкупно 1,73 милиона венецуелски мигранти кои живеат во Колумбија во моментов го немаат регулирано својот правен статус, наведуваат британските медиуми.

Би можело да ве интересира

На донаторка конференција собрани 1.5 милијарди долари за бегалците од Венецуела

Ана Ололовска

Венецуелската армија ги ослободи своите војници кои беа киднапирани на границата со Колумбија

Ана Ололовска

Шефицата на Делегацијата на Венецуела во Брисел прогласена за „персона нон грата“ во ЕУ

Ана Ололовска

Мадуро: Руската вакцина е 100 проценти ефикасна против коронавирусот

Ана Ололовска

ЕУ веќе не го смета Гуаидо за преоден претседател на Венецуела

Жарко Настоски

Мадуро ќе го менува знамето на Венецуела

Жарко Настоски