Десетици уапсени на протест против карантинот во Мелбурн

Од:

Властите во Мелбурн уапсија повеќе од 70 лица за кршење на прописите за останување во домовите, за време на протестот против рестриктивните мерки наметнати заради борба против Ковид-19 во земјата. Некои луѓе беа уапсени по судирите со полицијата на локалниот пазар.

Околу 250 лица присуствуваа на протестот, кој не доби дозвола од надлежните органи и беше организиран преку социјалните мрежи.

Демонстрантите ги игнорираа забраните за собири на отворено и побараа да се укине карантинот во вториот по големина град во Австралија.

Во судирите со полицијата, покрај 70-те уапсени, има и 176 лица кои биле парично казнети поради закани кон полицајци.

Минатиот викенд во Австралија се одржа настан под мотото „Ден на слободата“ против ограничувачките мерки во земјата.

И покрај постепеното олеснување на мерките, полицискиот час, ограничувањата за посети на домови за стари лица и болници и ограничувањата за патување на повеќе од пет километри од домовите, ќе останат во сила до 26 октомври.

Би можело да ве интересира

Протест на лекарите специјализанти, во тек состанок со претставници на Министерството за здравство

Граѓаните бараат извршителите да ги почитуваат законските измени со кои долговите застаруваат

Џафери: Закажани се избори, не може да се потпишат колективни договори, протестите на универзитетите се за дневни политики

Бугарија: Земјоделците организираа протест пред зградата на Владата барајќи оставка од ресорниот министер

Грчките земјоделци со симболични блокади на граничните премини „Ники“ и „Евзони“ со Македонија

Мирен протест на Србите од Косово