Десетици авганистански девојчиња протестираат против забраната за образование што ја воведоа талибанците

Од:

Група тинејџерки денеска излегоа на улиците на главниот град на авганистанската провинција Пактија за да го побараат своето право на образование, пренесе ДПА повикувајќи се на локалните медиуми.

dobivaj vesti na viber

На снимките што ги објави TOLOnews се гледаат десетици девојчиња во училишни униформи како маршираат на улица во градот Гардез.

Во Пактија мнозинството население е од паштунска етничка припадност и доминираат конзервативни племенски традиции. Покраината е исто така упориште на заменик-врховниот лидер и министер за внатрешни работи на талибанците, Сираџудин Хакани.

– Зошто ни ги затворивте училиштата? Зошто си играте со нашите чувства?, прашува низ солзи една девојка на едно од објавените видеа.

Минатата недела беше објавено дека локалните власти отвориле пет средни училишта за ученички на барање на племенските старешини.

Откако се вратија на власт минатата година, талибанците им забранија на девојчињата да се школуваат по шесто одделение.

Портпаролот на талибанците Забихула Муџахид изјави дека ова прашање ќе биде истражено, додавајќи дека само Министерството за образование на талибанците има овластување да одлучува за такви прашања.

Извор: МИА

Би можело да ве интересира

Министерството за труд: ВМРО-ДПМНЕ злоупотребува и деца за политички цели

Во Кабул поставени 400 нови звучници за поттикнување на молитвата

Ана Ололовска

Небензја: САД и НАТО би сакале да се заборават злосторствата во Авганистан

Ана Ололовска

Осуммина повредени при експлозија во автобус во Авганистан

А1он

Најмалку четворица мртви во експлозија во џамија во Кабул

Протест на млади Хазарки по вчерашниот самоубиствен напад во Кабул, во кој загинаа 35 лица

Ана Ололовска