Демонстрантите во Хонг Конг ги гаѓаа полицијаците со стрели

Од:

Хонгконшката полиција денеска соопшти дека демонстрантите со стрели ги гаѓале полицајците кои патролирале во близина на Политехничкиот Универзитет, а потоа продолжиле и со фрлање саксии кога на местото на инцидентот пристигнале други полицајци.

Полицијата одговорила со солзавец, а демонстрантите потоа повторно нападнале со стрели, за подоцна да дојде и до трет напад со ваков тип оружје. Ниту еден од нападнатите полицајци не е повреден.

Полицијата наведува дека на местото на нападот пронашла шест стрели.

Студентите и другите демонстранти неделава се собраа во главниот универзитетски кампус во Хонг Конг, подготвувајќи се за одбрана во случај полицијата да се обиде да ги избрка оттаму.

Продемократските протести почнаа пред повеќе од пет месеци и сосема ги поделија жителите на Хонг Конг.

Овој град со 7,5 милиони жители веќе четврти ден по ред се наоѓа во сообраќаен колапс, со масовни прекини на транзитот, бидејќи демонстрантите блокираа некои од поголемите улици и железнички линии.

Илјадници лица и денеска не успеаја да дојдат до своите работни места, па владата апелираше до работодавачите да покажат поголема флексибилност.

Заради сообраќајниот хаос сите училишта во градот нема да имаат настава од петок до недела, соопшти надлежната служба за образование, која ги повика студентите да се откажат од натамошни насилства, пренесуваат британските медиуми.

Кинеските универзитети ја прекинаа наставата до крајот на годината, а другите побараа од студентите да се префрлат на онлајн учење.

Би можело да ве интересира

Полицијата во Хонг Конг повторно употреби солзавец

Ана Ололовска

Во Кина уапсен бизнисмен од Белизе поради поддршка на протестите во Хонг Конг

Ана Ололовска

Хонг Конг: Заврши блокадата на Политехничкиот универзитет

Ана Ололовска

Илјадници активисти и приврзаници на самостојноста на Хонг Конг присуствуваа на собир за благодарност кон САД

Ана Ололовска

Кина протестира против американскиот Закон за човековите права во Хонг Конг

Ана Ололовска

Трамп го потпиша Законот за поддршка на демонстрантите во Хонг Конг

Ана Ололовска