Воздухот од Лондон е толку загаден што вдишувањето за 12 месеци е еднакво на пушење 160 цигари за една година, според „Дејли меил“.
Весникот ја цитира студијата на Британската фондација за срце, oд каде предупредуваат дека загадениот градски воздух мора да стане еден од итните здравствени приоритети за владата.
Воздухот во Њуам, Источен Лондон, е четирипати позагаден од најчистиот – на Западните острови во Шкотска.
Експертите се загрижени дека од 25-те најзагадени области во Велика Британија, 24 се наоѓаат во Лондон. Ситните честички од прашина како резултат на контаминација, влегуваат во човечкото тело и предизвикуваат опасни по живот болести како што се мозочни удари и срцев удар, придонесуваат за развојот на белодробни заболувања и карцином.