Данскиот парламент усвои нов данок на јаглерод

Од:

Данскиот парламент усвои нов данок на јаглерод, највисок во Европа, кој треба да го плаќаат компаниите во европскиот систем за тргување со емисии и оние надвор од него, објави Владата.

dobivaj vesti na viber

Владата смета дека новиот данок е клучен за постигнување на амбициозната цел за намалување на стакленички гасови за 70 отсто до 2030 година од нивото од 1990 година.

„Ова е досега најголемиот единствен придонес за намалување на емисиите до 2030 година“, рече во изјавата министерот за даноци Јепе Брус.

До крајот на деценијата, компаниите во европскиот систем за лиценцирање ќе плаќаат 1.125 дански круни за испуштен тон јаглерод диоксид. Износот ќе се состои од 375 круни данок и проектираните трошоци за дозвола за испуштање на тон јаглерод диоксид во 2030 година од 750 круни.

Компаниите кои користат минерали во производството, како што е производителот на цемент Алборг Портланд, најголемиот загадувач меѓу компаниите во Данска, ќе плаќаат данок од само 125 круни над цената на дозволата за да го спречат производството да оди во странство. Компаниите надвор од трговскиот систем за лиценцирање ќе плаќаат данок од 750 круни.

Извор: МИА

Би можело да ве интересира

ВИДЕО: Објавена снимка од нападот во Копeнхаген, луѓето бегаат во паника

Катерина Павлова-Николовска

ВИДЕО: Неколку застрелани во трговски центар во Копенхаген

Ана Ололовска

Данците над 50 години ќе можат да примат четврта доза вакцина против Ковид-19

Ана Ололовска

Данска и официјално се приклучи кон европската одбранбена политика

Ана Ололовска

Почина поранешниот дански министер за надворешни работи Уфе Елеман-Јенсен

Ана Ололовска

Руски воен брод навлезе во територијалните води на Данска

А1он