Данска ќе откопува неколку милиони мртви визони

Од:

Милиони визони ќе бидат откопани од масовните гробници во Данска откако некои од мршите се појавиле на површината од земјата, предизвикувајќи поплаки од жителите за можни здравствени ризици, соопшти вчера данската Влада.

На почетокот на ноември властите во оваа земја одлучија да се уништи целата популација на визиони, од околу 17 милиони единки, кои се наменети за врвната модна индустрија, откако беше откриено дека стотици фарми имаат коронавирус, а властите пронајдоа мутирани видови на вирусот и меѓу луѓето.

Но, од четири милиони визони, кои набрзина беа закопани во воена област во западна Данска, некои наскоро почнаа да „излегуваат“ од песочкливото тло поради гасовите во процесот на распаѓање.

Властите тврдат дека не постои ризик од ширење на вирусот од гробниците, но жителите се пожалија на потенцијалниот ризик од загадување на водата за пиење и за капење во езерото што се наоѓа на помалку од 200 метри од масовните гробници.

Данска беше најголем извозник на визони за луксузните модни брендови, а побарувачката за нивното крзно беше голема и поради високите стандарди за одгледување.

Владата денеска доби поддршка во парламентот за ископ на трупови, се наведува во соопштението од Министерството за храна и земјоделство.

Министерството соопшти дека откопувањата ќе почнат дури во мај следната година, кога ќе се елиминира ризикот од контаминација на мртвите животни од Ковид-19.

Животните, планирано е, да се превезат со камиони до блискиот отпад, каде ќе бидат согорени.

Би можело да ве интересира

ВИДЕО: Ја испраќаме целата артилерија што ја имаме во Украина, најави данската премиерка

Катерина Ѓуровски

Данска доби крал: Кралицата Маргарета Втора абдицираше и му го предаде тронот на својот син

Горан Наумовски

Европска потерница за богатата наследничка: Мајката призна дека децата киднапирани во Данска се кај неа

(ВИДЕО) Од ресторан во Данска киднапирани две деца: Мајката е богата наследничка, со таткото се во војна

Данска и нареди на Русија да го намали бројот на дипломати во амбасадата во Копенхаген

Научниците алармираат поради новата варијанта на Ковид-19

Горан Наумовски