Данилов: Кремљ ја зеде Белорусија како нуклеарен заложник

Од:

Олексеј Данилов, советник за безбедност на украинскиот претседател Володимир Зеленски, денеска предупреди дека руските планови за распоредување тактичко нуклеарно оружје во Белорусија ќе ја дестабилизираат таа земја.

„Кремљ ја зеде Белорусија како нуклеарен заложник“, напиша Данилов на Твитер, пренесе Ројтерс.

Москва и Минск се договорија да разместат тактичко нуклеарно оружје на територијата на Белорусија, изјави во саботата рускиот претседател Владимир Путин во интервју за телевизијата „Русија 24“.

Тој прецизираше дека изградбата на складиштето ќе биде завршена на 1 јули, пренесе РИА Новости.

Претседателот на Русија посочи дека ќе распоредат оружје без да ги прекршат обврските од договорот СТАРТ.

Според него, причина за таквиот чекор била најавата на Велика Британија дека ќе ја снабдува Украина со муниција со осиромашен ураниум.

Во исто време, Путин истакна дека Белорусија долго време бара руско нуклеарно оружје да биде распоредено на нејзина територија.

Би можело да ве интересира

Путин: Обвинувањата дека Русија ќе ја нападне Европа по Украина се целосна глупост

Путин: Бескрајната река на таленти го прави народот на Русија непобедлив

Обраќање на Путин: Ќе плати оној кој застана зад терористите

А1он

Путин освои над 72 отсто од гласовите во странство

Добитниците на Нобеловата награда бараат ослободување на политичките затвореници во Белорусија

Путин: Русија мора да биде уште посилна, поцврста и поефикасна