ЦПЈ: Рекорден број новинари годинава биле во затвор

Од:

Рекорден број на новинари беа во затвор во 2020 година, објави денеска Комитетот за заштита на новинарите (ЦПЈ), обвинувајќи ги владите од целиот свет за задушување на медиумите и хранење на дезинформациите за време на пандемијата на Ковид-19.

Според годишниот извештај на невладината организација, 274 новинари биле уапсени оваа година, а 26 новинари или медиумски работници биле убиени.

– Тоа е шокантно и поразително, рече извршниот директор на ЦПЈ, Џоел Сајмон.

Најмногу новинари биле уапсени во Кина, втора година по ред, со 47 новинари кои се нашле зад решетки, според оваа организација.

Турција, Египет, Саудиска Арабија, заедно со Белорусија и Етиопија, се исто така меѓу земјите што најмногу ги затвораат новинарите.

Заклучоците во извештајот на ЦПЈ се совпаѓа со оној на „Репортери без граници“, кои во својот годишен биланс, објавен вчера, посочија дека бројот на новинари, професионални или не, кои се произволно затворени ширум светот останува „историски висок“ во 2020 година со речиси 400 апсења, додека здравствена криза предизвика зголемување на кршењето на слободата на медиумите.

Би можело да ве интересира

Извештај за безбедноста на новинарите: Продолжуваат заканите, притисоците и ограничувањата врз медиумските работници

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

Повеќе новинари беа убиени во 10 недели војна во Газа отколку за една година во сите други земји

Најмалку 48 новинари загинаа во војната меѓу Израел и Хамас

(ВИДЕО) „Нашата работа е за јавноста, не за пред колегите“: Новинарите на протест пред Граѓански суд

Орце Костов

МВР: Расчистен нападот врз новинарска екипа во Тетово