Циклонот Амфан во Индија предизвика штета од 13 милијарди долари

Од:

Циклонот што ја погоди државата Западен Бенгал во источна Индија оваа недела предизвика штета од 13 милијарди американски долари на инфраструктурата и земјоделските култури, соопштија државните власти.

Соседен Бангладеш, преку кој во средата мина циклонот Амфан, првично пријави штета од 130 милиони долари, но таа сума може да расте, објавија властите на оваа земја.

Во обете држави, 102 лица починаа во циклонот, кој беше најсилен во последната деценија. Повеќе од три милиони луѓе беа евакуирани пред ударот на циклонот, спречувајќи голем број смртни случаи.

Циклонот погоди 13 милиони луѓе чии куќи, имоти и култури беа уништени, додека оштетени се над 1,5 милиони куќи, соопштија двајца претставници на Западен Бенгал.

Стотици илјадници луѓе се наоѓаат во кампови низ целата земја, соопштија официјалните лица, кои стравуваат дека недоволното почитување на мерките за физичко растојание може да поттикне ширењето на коронавирусот.

Циклонот, исто така, ги оштети фармите во ниските крајбрежни области на Бангладеш.  Непрофитната организација ActionAid забележува дека на населението во оваа област ќе му треба итна помош, со оглед дека немаат храна, вода за пиење или материјали за реконструкција на домови.

Би можело да ве интересира

Во Индија најмногу новозаразени за еден ден од почетокот на епидемијата

Ана Ололовска

Индија и Кина ги повлекуваат трупите од спорната хималајска граница

Ана Ололовска

Индија, со 700.000 случаи, стана третата најпогодена земја во светот со Ковид-19

Ана Ололовска

Одложено отворањето на Таџ Махал поради голем број новозаразени со Ковид-19

Ана Ололовска

(ВИДЕО) Индиски бизнисмен си купил златна маска против Ковид-19

А1он

Граѓаните кои имаат штети од невремето во Битола да се пријават за помош, повика градоначалничката Петровска

А1он