Четиринаесет тони амфетамин запленети од страна на италијанската полиција

Од:

Италијанската полиција заплени рекордни 14 тони амфетамини наменети за европскиот пазар, чијашто вредност се проценува на една милијарда американски долари, а се претпоставува дека се произведени во Сирија од група поврзана со т.н. Исламска држава заради финансирање на нејзините екстремистички активности.

Полициските власти соопштија дека околу 85 милиони таблети амфетамин биле пронајдени во три бродски контејнери во пристаништето Салерно во јужна Италија, што е најголема заплена на таа дрога досега во светот.

Полковникот на царинската полиција, Доменико Наполитано за државното радио изјави дека истражителите веруваат дека дрогата била произведена од таканаречената Исламска држава за финансирање на нејзините милитантни активности.

Тие претпоставуваат дека производството на амфетамини во Европа е попречено од пандемијата на коронавирус и дека дилерите на дрога, најверојатно, се обратиле до производителите во Сирија.

Полицијата соопшти дека во моментов се обидуваат да утврдат дали криминалниот клан Камора од Неапол нарачал голема пратка амфетамини за меѓународна дистрибуција, со оглед дека многу помала количина на таа дрога била запленета во пратка облека две недели претходно во пристаништето Салерно.

Би можело да ве интересира

Уапсени тројца скопјани бидејќи биле затекнати со дрога

Ландов

Голем скок на новозаразени со Ковид-19 во Италија, најмногу од крајот на мај

А1он

И во Италија ново жариште на коронавирус по враќањето на тинејџери од Хрватска

А1он

Две третини од Италијанците не влегле во кафеана од олабавувањето на мерките

А1он

Светот е далеку од колективен имунитет на Ковид-19, покажува новото истражување во Италија

На „Рајанер“ му се заканува прекин на летови кон Италија поради непочитување правила против Ковид-19

А1он