Чешката полицијата објави фотографија од напаѓачот во болницата

Од:

Чешката полиција објави фотографија од напаѓачот кој денеска уби шест лица во чекална во болница во Острава во североисточниот дел на Чешка.

Полицијата на Твитер објави фотографија од осомничениот, кој не е именуван. Тој носел црвена јакна.

Засега нема индикации што би можел да биде мотивот за нападот.

Премиерот на Чешка Андреј Бабиш изјави дека пукањето се случило во чекалната на Универзитетската болница, додека бројот на жртвите го потврди министерот за здравство Адам Војтјех.

Пукањето се случило кусо време по седум часот по локално време, изјави министерот за внатрешни работи Јан Хамачек кој, заедно со премиерот Бабиш, се упати кон Острава, 350 километри источно од Прага.

Директорот на болницата за чешката телевизија изјави дека бројот на загинати може да биде поголем.

Би-Би-Си јави дека целата болница е евакуирана и оти пукањето се случило на клиниката за трауматологија.

На лице место пристигнале и специјални единици на полицијата. Чешката полиција по инцидентот ги зајакнала безбедносните мерки во целата земја.

Би можело да ве интересира

Ден на жалост во Чешка

Убиецот од Прага е одговорен за уште две убиства, вели Вондрашек

Горан Наумовски

Вондрашек: Убиецот бил инспириран од терористички напад во Русија кој се случи оваа година

Убиецот од Прага на Телеграм го најавил масакрот

Масакр во Прага: Бројот на убиени се искачи на 17, најмалку 24 се ранети

Горан Наумовски

(ВИДЕО) Студентите на Универзитетот во Прага се обидоа да се сокријат од напаѓачот на покривот на зградата

Горан Наумовски