Чешка усвои закон со кој се забранува влез во земјата на странците кои прекршиле човекови права

Од:

Претставничкиот дом на чешкиот Парламент денеска усвои закон со кој се дозволува државата да им забрани влез на странци во земјата или да им ги замрзне имотите доколку извршиле сериозно кривично дело или ги прекршиле човековите права.

Текстот на нацрт-законот, кој допрва треба да биде усвоен од Сенатот и потпишан од претседателот, е насочен кон поединци и компании кои поддржуваат тероризам или извршители на кибер напади.

Предлог-законот го овластува Министерството за надворешни работи да ги вклучи лицата фатени во такви злосторства на списоците за санкции на Европската Унија или Чешка.

„Чешката Република сега ќе има алатка против секој кој ги крши човековите права, поддржува тероризам или се вклучува во кибер напади“, напиша чешкиот министер за надворешни работи Јан Липавски на Твитер.

Предлог-законот е инспириран од таканаречениот Закон Магнитски, усвоен во САД во 2012 година и насочен кон лица за кои се сомнева дека се поврзани со смртта на рускиот адвокат Сергеј Магнитски во затвор.

Чешката влада првично планираше да го донесе законот до крајот на 2023 година, но процесот беше забрзан со руската инвазија на Украина.

Извор: МИА

Би можело да ве интересира

Павел повика на неограничена воена помош за Украина

Ана Ололовска

Земан со Вучиќ: Се обидов да ја натерам Чешка да го повлече признавањето на Косово

А1он

Генералот Павел ветува дека ќе биде претседател на сите Чеси

Ана Ололовска

Фијала: Чешка за нов претседател на земјата го избра Петр Павел, победи граѓанскиот кандидат

Ана Ололовска

На претседателските избори во Чешка води генералот Петр Павел

Ана Ололовска

Рекордно висок одѕив на изборите за претседател на Чешка

Ана Ололовска