Чавушоглу верува дека до пролет во Украина ќе има примирје или преговори

Од:

Турскиот министер за надворешни работи Мевлут Чавушоглу денеска изјави дека до пролет очекува јасна слика за војната во Украина.

– Сега Украина напредува на теренот, враќајќи некои од нејзините окупирани територии. Но, Русија за возврат намерно гаѓа цивилна инфраструктура. Така, животот станува тежок особено за Украинците, и за сите нас, рече Чавушоглу на форумот во Рим.

Тој посочи дека смета дека пред пролет ќе има јасна слика за прекин на огнот или примирје или преговарачка маса. – Но, ние нема да се откажеме. Турција ќе вложи напори, рече Чавушоглу.

– Војната на Русија против Украина стана посложена бидејќи борбите на теренот стануваат сè потешки, рече Чавушоглу и додаде дека некои западни земји треба да направат повеќе за двете страни da се префрлат на преговарачка маса.

Путин е отворен за преговори за Украина, но Западот мора да ги прифати барањата на Москва, соопшти претходно денеска Кремљ, еден ден откако американскиот претседател Џо Бајден изјави дека е подготвен и да се сретне со Путин доколку на тој начин се стави крај на војната.

Извор: МИА

Би можело да ве интересира

Украина: На Русите им снемува муниција, па ја користат тактиката „бранови од месо“

Бајден размислува за турнеја низ Европа за време на годишнината од почетокот на руската инвазија врз Украина

Катерина Павлова-Николовска

(ВИДЕО) Објавена снимка од центарот на ослободениот Херсон: „Град на духови“

ВИДЕО: Украинците објавија снимка од нападот на руски магацин за оружје во Бахмут

САД воведоа нови санкции за „Вагнер“

11 мртви го денешниот голем руски ракетен напад на Украина