Бунт во затвор во Венецуела, убиени 29 затвореници

Од:

Организацијата на заштита на правата на затворениците во Венецуела денеска соопшти дека затворски чувари, за време на бунт во затвор во сојузната држава Португеса , убиле 29 затвореници.

Умберто Прадо од Опсерваторијата за венецуелските затвори рече дека во бунтот биле ранети и 18 чувари. Тој затвор е 350 километри од главниот град Каракас. Венецуелските власти досега не го коментираа овој инцидент.

Минатата година, 68 затвореници беа убиени во бунт во затвор во Валенсија, од кои многумина изгореа живи.

Критичари велат дека 30 затвори во Венецуела се пренатрупани и со нив управуваат банди, кои се занимаваат со трговија на дрога и оружје.

Инаку, Венецуела се наоѓа во голема криза, која се карактеризира со недостаток на храна и лекови, поради што милиони граѓани заминаа од земјата.

Во исто време, постои жесток политички конфликт меѓу претседателот Николас Мадуро и водачот на опозицијата Хуан Гуаидо, кој се прогласи за привремен претседател и е поддржан од околу педесет земји, вклучувајќи ги и САД.

Би можело да ве интересира

Русија и Венецуела ја интензивираат воената соработка

Шојгу со поддршка за Венецуела во отпорот против САД

Укинат имунитетот на четворица венецуелски опозициски пратеници

Гуаидо: Мадуро денеска ќе го распушти Парламентот, можни нови апсења на пратеници

Мадуро е подготвен на договор со опозицијата

САД имаат план за помош на Венецуела после заминувањето на Мадуро