Тајфунот Бофа го однесе животот на најмалку 475 лица на Филипините, покажуваат најновите податоци на филипинската полиција.
Силниот ветер, кој на моменти достигнувал брзина од 210 километри на час, откорнувал покриви од куќи, дрвја и електрични столбови. Повеќе од 300 лица се водат како исчезнати, а 170.000 луѓе останале без своите домови.
Секоја година филипинските острови ги погодуваат по 20 тропски циклони, во кои животот го губат стотици луѓе. Бофа, кој во вторникот го зафати јужниот дел на земјата, е регистриран како најмоќниот циклон во оваа сезона.