Брод со мигранти потона крај брегот на Либан, 48 лица се спасени

Од:

Либанската армија спаси 48 лица во текот на викендот, откако бродот со кој се обидувале да побегнат од земјата, потона во близина на брегот на Триполи, јави либанската државна новинска агенција NNA, пренесува Хина.

Бродот превезувал 60 луѓе, а потонал вчера поради големи бранови и преоптоварување, пишува агенцијата повикувајќи се на информациите на армијата. Во тек е акција за спасување на преостанатите патници, кои во моментов се водат како исчезнати.

Спасувачите денеска пронајдоа осум тела, јави либанската телевизија Ал Џадед, повикувајќи се на изјава на министерот за јавни работи и транспорт Али Хамиех. Доцна синоќа тело на девојка било извлечено од морето, јавува ННА. Војската соопшти дека либански државјанин е приведен под сомнение за вмешаност во криумчарење мигранти.

Бродот превезувал либански и странски мигранти кои сакале да стигнат до бреговите на европските земји. Либанскиот претседател Мишел Аун наложи истрага.

Извор: МИА

Би можело да ве интересира

Најмалку седум загинати во израелскиот напад врз јужен Либан

(ВИДЕО) Израел објави снимка: Испалија 30 ракети, Железната купола пресретна третина

Катерина Ѓуровски

Командант на Хезболах меѓу 10-те жртви на израелскиот напад во Либан

Во израелските напади врз Либан загинаа 11 цивили, меѓу кои шест деца

Горан Наумовски

ВИДЕО: Во израелскиот напад на Либан загинаа 11 лица, меѓу кои шест деца

Хезболах истрела најмалку 30 ракети од Либан кон северен Израел