Украинските сили објавија дека го заробиле пилотот на рускиот воен авион кој беше соборен овој месец, објави утринава британското Министерство за одбрана во дневниот извештај на своето разузнавање.
Според разузнавачките податоци, пилотот признал дека бил поранешен мајор на руските воздухопловни сили, кој по напуштањето на војската се вработил во приватната воена компанија Вагнер и летал во неколку мисии над Украина.
Британското разузнавање во својот извештај наведува дека употребата на пензиониран воен персонал, кој сега работи за Вагнер, „сугерира дека руските воздухопловни сили се борат да најдат доволно воздушни екипажи за да обезбедат воздушна поддршка“.
Latest Defence Intelligence update on the situation in Ukraine – 24 June 2022
Find out more about the UK government's response: https://t.co/eIX58Cf3Y2
?? #StandWithUkraine ?? pic.twitter.com/Xtg5lc4TvO
— Ministry of Defence ?? (@DefenceHQ) June 24, 2022
Министерството за одбрана на ОК, исто така, тврди дека пилотот користел комерцијално опремен ГПС наместо стандардна руска навигациска опрема.
„Ова веројатно значи дека авионите на Вагнер се постари модели на авиони Су-25, односно дека руските воздухопловни сили не дозволуваат Вагнер да лета со нова опрема“, се вели во извештајот.