Британското Министерство за одбрана во својот дневен извештај за ситуацијата во Украина соопшти дека руските власти можеби го смениле генерал-полковник Михаил Теплински, клучниот командант на оперативните сили во Украина. Теплински го предводеше релативно успешното руско повлекување од западниот брег на Днепар во ноември 2022 година и беше пофален од многумина во Русија како способен командант.
Според Министерството останува нејасно дали Теплински ја задржал својата дополнителна функција како шеф на ВДВ, руските воздухопловни сили. Можно е да е разрешен поради улогата што ВДВ ја играше на првата линија. Имено, ВДВ честопати беше испраќан на линијата на фронтот и ја преземаше функцијата што традиционално ја имаше механизираната пешадија.
смената на Теплински веројатно е уште еден знак за поделби меѓу водачите на руската операција во Украина, бидејќи новоименуваниот началник на Генералштабот на руската војска, Валери Герасимов, се обидува да го потврди својот авторитет.