Британскиот Врховен суд одлучува за државното злато на Венецела вредно милијарда долари

Од:

Велика Британија „недвосмислено го признава“ Николас Мадуро како претседател на Венецуела, иако не ја одобрува неговата влада, се слушна денеска во судот во Лондон во кој се води предметот за утврдување на судбината на златото на оваа земја вредно милијарда долари.

Во невообичаената судска постапка, Централната банка на Венецуела (БЦВ) се бори за „одмрзнување“ на златото што се чува во трезорот на Банката на Англија. Венецуела бара решение за ослободување на златните шипки од Банката на Англија, за тоа да ѝ помогне на земјата во борбата против коронавирусот.

Централната банка на Велика Британија, меѓутоа, отвори сомнеж за тоа кој ја има надлежноста да го бара ослободувањето на златните шипки.

Трезорот тврди дека е „во средината на конкурентски претензии за златото“ – од бордот на БЦВ,  поддржан од Мадуро од една страна, и посебниот ад-хок одбор,од друга страна, назначен од лидерот на опозицијата Хуан Гуаидо.

Адвокатот Ник Винеал, кој ја претставуваше Централната банка на Венецуела, пред Врховниот суд на Англија и Велс, кажа дека „ во Венецуела има една и единствена влада- владата на Мадуро“.

Иако Лондон „не ја одобрува владата на Мадуро“, тој ја призна неговата администрација, рече адвокатот на сослушувањето што се одржа преку интернет поради ограничувањата со коронавирусот.

„Нормално е владата на Обединетото Кралство да ги признава или продолжува да ги признава странските влади, кои не ги одобрува,“ рече Винеал.

 

Би можело да ве интересира

Скок на цената на нафтата, се намали вредноста на златото

Катерина Ѓуровски

Британците повеќе не ја сметаат Германија за сигурен сојузник

Велика Британија: Полицијата нуди 23.000 евра за помош за апсење на напаѓачот од Клепам

Горан Наумовски

Во Венецуела се уапсени 32 лица осомничени дека планирале атентат врз претседателот

(ВИДЕО) Бурата Иша ја погоди Британија, откажани летови, илјадници домови без струја

Хорор во Англија: Пронајдени четири тела во куќа во Костеси

А1он