Британскиот туристички сектор најави отпуштања по слабата летна сезона

Од:

Британскиот туристички сектор подготвува нов бран отпуштања поради рестриктивните владини регулативи за патувања што ја уништија летната сезона, соопшти денеска здружението АБТА.

dobivaj vesti na viber

Новите резервации за ова лето беа 83 проценти пониски од нивото пред пандемијата, така што повеќето членки планираат да отпуштат повеќе работници кон крајот на овој месец, кога Владата ќе ги прекине сите преостанати субвенции, соопшти здружението кое опфаќа повеќе од 4.300 туристички брендови.

Авиокомпаниите и туристичките компании ги критикуваа владините регулативи за патување, тврдејќи дека се премногу скапи и комплицирани, но и одговорни за уште една изгубена сезона на летни годишни одмори.

– Владините мерки за патување ја уништија продажбата на аранжмани за ова лето, загрозувајќи ги работните места, бизнисите и поврзаноста на Британија со светот, рече извршниот директор на АБТА, Марк Танзер.

Новиот бран отпуштања ќе го зголеми бројот на изгубени работни места во туристичкиот сектор поврзани со пандемијата, на ниво од 100 илјади, или на 226 илјади кога ќе се додадат компании во синџирот на снабдување, соопшти АБТА.

Тие се придружија на авиокомпаниите и аеродромите кои бараат од Владата укинување на задолжителните ПЦР тестови за целосно вакцинирани патници кои се враќаат во Велика Британија.

Би можело да ве интересира

Исламскиот совет на Британија и премиерот Џонсон го осудија нападот врз писателот Салман Ружди

Ана Ололовска

Бугарија започнува кампања во соседните земји за да привлече туристи

А1он

ВИДЕО: Дете загина при експлозија на гас во куќа во Лондон

А1он

Министерот за туризам на Грција: Во јули имавме над 900 000 пристигнувања седмично

А1он

Британската централна банка ги зголеми каматните стапки на највисоко ниво во изминатите 27 години

На британските доброволци заробени од страна на руските сили во Украина ќе им се суди за платеништво

Катерина Павлова-Николовска