Британскиот премиер: Ракетата немаше да падне врз Полска доколку Русите не извршија инвазија

Од:

Британскиот премиер Риши Сунак за време на прес-конференција во Бали, каде што се одржува самитот на Г20, се осврна на падот на проектил на полска територија во кој загинаа две лица. Сунак рече дека инцидентот треба да се гледа како последица на руската инвазија на Украина и дека ништо немало да се случи доколку Русите воено не ги нападнеа Украинците, пренесува Sky News.

„Се додека трае, тоа претставува закана за нашата безбедност и безбедноста на нашите сојузници. И додека трае, ќе продолжи да ја уништува глобалната економија“, го изрази Сунак своето мислење за војната. Тој нагласи дека целиот свет ги чувствува суровите последици од војната што ја започна Владимир Путин. Тој тврди дека глобалните пазари на храна се сериозно нарушени од руските обиди да ги наруши синџирите за снабдување со жито.

Сунак е убеден дека светот ќе го памети непочитувањето на Путин кон човечкиот живот во наредните години. Тој ја истакна важноста на самитот на Г-20 во Индонезија, велејќи дека тоа е можност да им се олесни животот на луѓето. Тој додаде дека нема да дозволи Русите да поткопаат ваков важен настан.

Тој го истакна сојузништвото со Полска

„Полска е лојален сојузник на Обединетото Кралство и сакав да му дадам лично уверување и посветеност дека овојпат сме непоколебливи со него и неговиот народ“, изјави британскиот премиер за инцидентот што се случи во Полска.

 

Би можело да ве интересира

Полска: Претреси на неколку локации кои се дел од истрагата за наводна руска шпионажа

Горан Наумовски

Пијан провалил во козметички салон во Полска и заспал, го разбудила полицијата

(ВИДЕО) Тепачка, солзавец и шок бомби: Полициска пресметка со земјоделците во Варшава

Полска: Подготвени сме да го браниме НАТО од секаков напад

Тенк прегази двајца војници во Полска: Едниот загина, другиот во критична состојба

Сунак: Мора да бидеме похрабри во запленувањето на руските средства