Британскиот министер за здравство не исклучува бројот на заразени со Ковид-19 да биде 100.000 дневно

Од:

Британската влада синоќа ги отфрли се погласните повици за повторно воведување мерки против Ковид-19, како што е носење маска во затворени простории, поради ширење на инфекцијата, одлучувајќи да фаворизира вакцинација и нови лекови.

Вчера имаше речиси 50.000 нови инфекции во Велика Британија, вторпат оваа недела толку голем број, поради што министерот за здравство Саџид Џавид процени дека тој број може да се искачи на 100.000.

Бројот на смртни случаи од почетокот на пандемијата е 139.000, највисок во Европа по Русија.

Здравствените работници повикаа на „итно“ воведување мерки поради високата стапка на зарази, меѓу највисоките во светот, бидејќи стравуваат од преоптоварување на болниците.

Министерот за здравство предупреди дека бројот на новозаразени „може да се искачи на 100.000 дневно“ и призна дека расте притисокот врз болниците, каде секојдневно примаат речиси 1.000 пациенти со Ковид-19.

Сепак, „не планираме да воведеме план Б“, што предвидува можно враќање на маските во затворени простории, поттикнување работа од дома и здравствени сертификати, истакна тој.

Џавид повтори дека вакцинацијата останува „прва линија на одбрана“, истакнувајќи дека владата „се подготвува за сите сценарија“ и „нема да се двоуми да дејствува“ доколку ситуацијата во болниците стане „неподнослива“.

Би можело да ве интересира

Кина: Омикрон може да ја отежни организацијата на Зимските олимписки игри

А1он

Директорот на Бионтек тврди дека вакцината веројатно е ефикасна против Омикрон

А1он

Велика Британија за два месеци ќе понуди засилувачка доза на вакцина за сите постари од 18 години

А1он

Поради мутација, делта сојот во Јапонија се уништува сам

А1он

(ВИДЕО) Српски виролог: Очекувам бустер дозата на Синофарм да даде огромно количество антитела и да штити од омикрон

Ана Ололовска

100 отсто од населението во Обединетите Арапски Емирати е вакцинирано со најмалку една доза

А1он