Со воодушевување и радост, Николас Синот замавна со рацете во воздух и ги гушна докторите и медицинскиот персонал, откако беше отпуштен од болницата во Тексас, каде беше лекуван од инфекција со коронавирусот цели 243 дена.
Британскиот пилот работи за „Бритиш Ервејс“, а му се слошило откако пристигнал во Хјустон во март минатата година.
59-годишниот пилот бил хоспитализиран во Меморијал Херман болницата, каде што бил поставен на респиратор. Тој таму се лекувал цели 8 месеци, а неговата 54-годишна сопруга секој ден била покрај него.
„Секој орган од неговото тело беше зафатен од Ковид-19. Но, сепак, бидејќи неговото здравје било одлично пред болеста, тој успеа да преживее нешто сериозно како ова”, изјави кардиологот д-р Бишваџит Кар за американските медиуми.
„Не обзеде огромна радост тоа што некој што беше толку многу болен, сепак успеа да се избори“.
Синот бил отпуштен од болница пред Божиќ и сега е во неговиот дом во Бечворт.