Британската полиција ги истражува наводите за договор на фондацијата на принцот Чарлс околу привилегии за Саудијци

Од:

Лондонската полиција започна истрага за наводите дека луѓе поврзани со една од хуманитарните организации на британскиот принц Чарлс понудиле да му помогнат на саудиски милијардер да добие британски почести и државјанство во замена за донации.

Истрагата беше отворена по серијата извештаи во лондонскиот Тајмс, во кои беше објавено дека долгогодишен соработник на Чарлс помогнал да се обезбеди поддршка од принцот за државјанин на Саудиска Арабија да добие почести и британско државјанство во замена за донации до 1,5 милиони фунти.

Лондонската полиција денеска соопшти дека решила да отвори официјална истрага по тврдењата во медиумските извештаи, испитување на наодите од истрагата нарачана од Фондацијата на принцот и прегледување на документите обезбедени од фондацијата. Полицијата соопшти дека никој не е уапсен во врска со случајот.

Канцеларијата на принцот Чарлс соопшти дека нема докази за поддршка на тие тврдења.

Извор: МИА

Би можело да ве интересира

Зеленски во Велика Британија – средба со Сунак, посета на украинските војници и говор во парламентот

Џон Мејџор: Излегувањето на Британија од ЕУ беше голема грешка

Ана Ололовска

Сунак ја реконструираше Владата и воведе четири нови министерства

Горан Наумовски

Тајмс: Британскиот премиер Сунак денеска ќе објави промени во владата

Горан Наумовски

Украинските војници на обука за управување тенкови во Велика Британија

Британскиот премиер го разреши претседателот на владејачката Конзервативна партија поради кршење на министерскиот кодекс

Ана Ололовска