Британска тинејџерка пет часа протестираше на Арктикот

Од:

Млади активисти предводени од Швеѓанката Грета Тунберг протестираат низ цел свет. А, денес, тоа се случува и во време на корона-пандемијата, со цел запирање на климатските промени и ублажување на нејзините влијанија.

Пожари на западниот брег на САД, огромни поплави во Кина и топлотни бранови на сибирскиот арктик, се некои од природните катастрофи што периодов го погодија светот. Затоплувањето на Арктикот придонесе за драстично топење на мразот што го покрива Северниот Океан.

Ова е второ рекордно намалување на мразот во последните 40 години. Сателитски снимки од 15 септември покажуваат дека мразот зафаќа 3,74 милиони квадратни километри морска површина, што е втор пат во последните 42 години таа бројка да падне под четири милиони квадратни километри.

Поради ова, 18-годишната Британка Мија-Роуз Крег минатата недела протестираше во Арктичкиот круг, најсеверниот дел на Земјината хемисфера. Таа пристигна на работ на глечер со еколошка група на Гринпис и со бродот „Арктички изгрев“ (Arctic Sunrise).

– Сакав со свои очи да видам на што сме изложени, оти клучниот заштитник на нашата планета – Арктичкиот Океан се топи неверојатно брзо, рече тинејџерката.

Таа мина пет часа на мразот, држејќи натпис „Штрајк на младите за климата“.

Би можело да ве интересира

ОН: Пандемијата не ги ублажи значително климатските промени

Ана Ололовска

Макрон на видео конференција со главните донатори за заштита на климата

Ана Ололовска

ИФРЦ: Расте бројот на катастрофи предизвикани од екстремни климатски услови

Ана Ололовска

Експерти: Против климатските промени нема вакцина

Ана Ололовска

САД официјално се повлекоа од Парискиот договор за бороба против климатските промени

Ана Ололовска

Доцни замрзнувањето на водата и создавањето мраз на Арктикот

Ана Ололовска