Брисел: Лондон ќе мора да го оправда одлагањето на Брегзит

Велика Британија ќе мора да го оправда барањето за одлагање на Брегзит, а европските лидери при носењето на одлуката по барањето ќе се водат од идејата да нема никакви пречки во функционирањето на институциите на ЕУ, соопшти Европската комисија во реакција на синоќешната одлука на Парламентот во Лондон за одлагање на британското истапување од Унијата.

Комисијата во своето соопштение наведува дека барањето за одлагање на Брегзитот сепак мора да биде одобрено од сите 27 држави членки, најавувајќи дека идниот четврток и петок ќе одржи состаноци посветени на британското барање.

Некои европски лидер претходно изјавија дека Велика Британија ќе мора да ја напушти ЕУ пред одржувањето на изборите за Европарламентот, закажани за мај годинава, или во спротивно ќе мора да учествува на овие избори со цел да не биде доведена во прашање нивната легитимност.

Долниот дом на британскиот Парламент синоќа со 412 гласа „за“ и 202 „против“ го усвои предлогот на Владата на премиерката Тереза Меј за одлагање на истапувањето на Велика Британија од ЕУ за по 29 март.

Со Одлуката се предвидува Брегзитот да се одложи до 30 јуни, доколку Долниот дом до 20 март го одобри Договорот за британското истапување од ЕУ, што лани во ноември го постигнаа Владата на Меј и Брисел.

Доколку, пак, до 20 март пратениците и по третпат не го одобрат Договорот, британската Влада ќе бара подолгорочно одлагање на Брегзитот, но ЕУ ќе мора да се согласи со барањето и да ги постави условите за тоа.

Би можело да ве интересира

Во Британија откриени четворица Албанци шверцувани во кутии во багажник на комбе

Британските конзервативци избраа нов премиер

Анкета: Тереза Меј е слаб премиер, сметаат половина од Британците

Иран објави фотографии од екипажот на запленетиот британски танкер

Татјана Ташкова

Вонредна седница на британската Влада поради запленетиот танкер во Ормускиот теснец

Татјана Ташкова

При крај е гласањето за нов лидер на британските конзервативци и иден премиер

Ана Ололовска