Брисел ја прекори Малта: Пуштете ги невакцинираните да влезат во земјата

Од:

Европската комисија сака да ја убеди Малта да се откаже од одлуката да ги затвори своите граници за луѓето кои не се вакцинирани против Ковид-19, изјави денеска еврокомесарот за правда Дидие Рејндерс.

Малта објави во петокот, како прва таква земја во ЕУ, дека ќе ги затвори своите граници за невакцинираните патници, убедена дека на тој начин ќе го запре новиот бран на инфекција со коронавирус.

Рејндерс потсети дека ЕУ воведе ковид сертификати со кои треба да се усогласат сите земји-членки.

– Имаше две одлуки: сертификатот кој го воведовме и кој им е наметнат на сите европски земји како доказ за состојбата со вашата болест. Покрај тоа, постои и препорака усвоена од сите 27 земји-членки, која поаѓа од идејата дека овој „пасош“ е доволен сам по себе, освен ако не се влоши епидемиолошката состојба, објасни еврокомесарот.

Тој нагласи: „затоа ќе разговараме со Малта да продолжи да го признава ПЦР тестот. Според процентот на инфекција со делтата сојот, … нормално е да се преземат мерки, тестови и изолација, но не и забрана за патување“.

Малта во петокот најави дека од оваа среда ќе им забрани влез на сите невакцинирани посетители. Негативен тест на Ковид-19 повеќе нема да биде доволен за да се премине границата на овој мал медитерански остров со околу половина милион жители.

Францускиот министер за европски прашања Климент Бон вчера ја нарече одлуката на Малта да не ги признава ПЦР тестовите „спротивна на правилата“.

Би можело да ве интересира

Годишната инфлација се забрза во август во 26 земји од ЕУ

А1он

Прв американско-црногорски економски дијалог: САД го поддржуваат влезот на Црна Гора во ЕУ

А1он

Милановиќ и Ѓукановиќ: Црна Гора е заложник на незаинтересираноста на ЕУ

А1он

Поддршка од Словенија за ЕУ перспективата на Западен Балкан, останатите земји од регионот подготвени да учествуваат во дијалогот за иднината на Европа

А1он

ЕУ собра пет милијарди евра на првата аукција на заеднички должнички хартии од вредност

А1он

Димитров: Македонските предизвици кон ЕУ се предизвици за самата Унија

А1он