Брисел ги предупредува членките на ЕУ да не се обидуваат сами да ја набавуваат вакцината

Од:

Европската комесарка за здравство, Стела Киријакидес, денеска ги предупреди земјите-членки на ЕУ да не се обидуваат да склучат одделни договори за набавка на вакцини, бидејќи тие со заеднички договор го пренеле тоа право на Комисијата.

– Дозволете ми да ве потсетам дека со одобрување на договорот за делегирање на преговорите за набавка на вакцини на Европската комисија, вие се согласивте да не започнувате сопствени процедури за набавка на вакцини со истите производители, им рече комесарката Киријакидес на министрите за здравство на земјите-членки, разговарајќи за здравствената состојба во ЕУ преку видео-врска.

Земјите-членки на ЕУ во јуни минатата година и дадоа мандат на Европската комисија да преговара и да склучуваат договори за набавка на вакцини во нивно име.

Изминатите денови, е актуелна објавата на Германија дека склучила билатерален договор со „Фајзер/БиоНТек“ за набавка на дополнителни 30 милиони дози. Исто така, Кипар се обиде да склучи договор со Израел за набавка на вакцини.

– Го разбирам притисокот на јавноста во земјите-членки и стравот од граѓаните, но склучувањето паралелни договори само го поткопува европскиот пристап што веќе даде резултати, рече комесарката.

Европската комисија досега има потпишано договори за набавка на вакцини од шест различни производители, од кои двајца веќе се одобрени за употреба, „Фајзер/БиоНТек“ и „Модерна“.

Вакцината се дистрибуира до земјите-членки според нивниот удел во вкупната популација на ЕУ.

Би можело да ве интересира

Во Албанија вакцинација на здравствените работници од ковид центрите

Индија почна со вакцинација на 300 милиони луѓе

ВИДЕО: Милион дози од кинеската вакцина „Синофарм“ пристигнаа во Србија

Бајден вети 100 милиони вакцинирани Американци во првите 100 дена од мандатот

Катерина Павлова-Николовска

Европските држави бесни, Фајзер доцни и испраќа помалку вакацини

Катерина Павлова-Николовска

Му воведовме санкции на Лукашенко – Македонија се приклучи кон мерките на ЕУ против Белорусија

Жарко Настоски