Бразилскиот претседател Лула кон средината на месецот патува во Кина

Од:

Бразилскиот претседател Луис Инасио Лула да Силва ќе се сретне со кинескиот претседател Си Џинпинг во Пекинг на 14 април, соопшти неговиот кабинет во петокот, откако средбата беше одложена минатата недела поради пневмонија на Лула. Лула ќе оди во Кина на 11 април и ќе се држи до првичниот план, кој вклучува потпишување на дваесетина договори со најголемиот трговски партнер на Бразил.

Целта на патувањето е да се унапредат односите со Кина и да се привлечат нови кинески инвестиции во јужноамериканската земја. Средбата меѓу двајцата лидери ќе се одржи два месеци откако Лула се сретна со американскиот претседател Џо Бајден во Белата куќа. Бразил се залага за прагматичен надворешнополитички пристап на рамнотежа со двата најголеми трговски партнери и покрај растечките тензии меѓу нив.

Лула ќе го посети и Шангај, каде на 13 април ќе учествува на инаугурацијата на поранешната бразилска претседателка Дилма Русеф, негова политичка сојузничка, која ќе стане извршен директор на Новата развојна банка на групата БРИКС, која ги обединува Бразил, Русија, Индија, Кина и Јужноафриканската Република и посакуваат да и се придружат и другите земји.

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Заложничка драма во Бразил, двајца се тешко ранети

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Српската репрезентативка преживеала пекол: Прво ја нападнале со ножеви, па и ставиле пиштол на глава

Предраг Петровиќ

Земјотрес со јачина од 5,8 степени по Рихтер ја погоди границата меѓу Киргистан и Кина