Хосеин Ферејдун, брат на претседателот на земјата Хасан Рохани, кој на почетокот на октомври беше осуден на петгодишна затворска казна поради корупција, од денеска е во затвор.
Тој беше обвинет за повеќе „финансиски кривични дела“, вклучувајќи и примање мито.
Ферејдун беше посебен советник на Рохани и работеше со преговарачкиот тим на Исламската република во 2015 година, задолжен за склучување на нуклеарниот договор со меѓународните сили – САД, Велика Британија, Русија, Кина, Франција и германија.
Беше уапсен во јули 2017 година, а судењето почна во февруари годинава. Со конечна пресуда казната му беше намалена од седум на пет години, а исто така, ќе мора да плати и парична казна и да ги врати парите од митото.