Британскиот премиер Борис Џонсон и министерот за финансии Риши Сунак ќе бидат ограничени на работа од своите канцеларии и ќе се тестираат секојдневно за Ковид-19, откако тие беа во контакт со министерот за здравство, Саџид Џавид, кој е позитивен на вирусот корона.
Џавид вчера објави дека бил позитивен на тест за вирусот, пренесе Ројтерс.
Премиерот и министерот за финансии, како лица кои биле во контакт со Џавид, ќе бидат предмет на одредени превентивни мерки.